TIGO YAPEWA TUZO YA MTANDAO BORA AFRIKA

TIGO YAPEWA TUZO YA MTANDAO BORA AFRIKA

Mkuu wa Idara ya Uendeshaji kutoka Tigo Tanzania Bw. Deon Geyser akionyeshea  waandishi wa habari tuzo ya mtandao bora wa mwaka 2013 walioshinda kutoka kwa umoja wa makampuni ya simu GSMA katika kongamano la mawasiliano na mitandao ya simu Africa Com, iliyofanyika Capetown Afrika Kusini mwezi Novemba. Kushoto ni Mkuu wa Mipango na Uboreshaji wa mitandao kutoka Tigo Bi. Halima Idd.

Mkuu wa Idara ya Uendeshaji kutoka Tigo Tanzania Bw. Deon Geyser na Mkuu wa Mipango na Uboreshaji wa mitandao kutoka Tigo Bi. Halima Idd wakionyeshea  waandishi wa habari tuzo ya mtandao bora wa mwaka 2013 waliyoshinda kutoka kwa umoja wa makampuni ya simu GSMA katika kongamano la mawasiliano na mitandao ya simu Africa Com, iliyofanyika Capetown Afrika Kusini mwezi Novemba.

Mkuu wa Mipango na Uboreshaji wa mitandao kutoka Tigo Bi. Halima Idd akizungumza kwenye mkutano na waandishi wa habari kuhusiana na tuzo ya mtandao bora wa mwaka 2013 waliyoshinda kutoka kwa umoja wa makampuni ya simu GSMA katika kongamano la mawasiliano na mitandao ya simu Africa Com, iliyofanyika Capetown Afrika Kusini mwezi Novemba. Kulia ni Mkuu wa Idara ya Uendeshaji kutoka Tigo Tanzania Bw. Deon Geyser.

Kampuni ya Tigo Tanzania imeshinda tuzo ya kuwa mtandao wa simu ulioboreshwa zaidi katika mwaka 2013 barani Afrika. Tuzo hiyo iliyotolewa katika kongamano la umoja wa makampuni za mawasiliano duniani, GSMA, liliyofanyika mwezi Novemba mjini Capetown, Afrika Kusini.

Akizungumzia tuzo  hiyo, Mkuu wa Idara ya Oparesheni za Mtandao na Uhandisi Tigo, Bw. Deon Geyser, amesema kwamba kutunukiwa tuzo hiyo ni heshima kubwa si tu kwa kampuni ya Tigo Tanzania bali pia ni udhihirisho tosha kwamba kampuni hii inaendelea kuwekeza katika ubora; wa huduma za mawasiliano na kutafuta suluhu katika changamoto mbali mbali zinazokumba sekta hiyo.

“Tumewekeza kwa kiasi kikubwa ndani ya mwaka uliopita katika kuongeza ubora wa huduma zetu za mawasiliano ili kufanya huduma zetu kupatikana kwa urahisi na kuwa wa kutegemewa zaidi kwa wateja wetu. Tigo hivi sasa inapatikana kila sehemu nchini na katika ubora mkubwa zaidi, kwa maana hiyo tuzo hii ni sherehe ya mafanikio makubwa kwetu,” alisema.

Kwa mujibu wa Bw. Geyser, maboresho hayo ya Tigo yanatokana na uongozi wa kampuni hiyo  kuamua kuja na mkakati maalum ambao ulianza kutekelezwa wake Desemba 2012 katika idara zote husika.

“Mkakati huu umeweza kuleta matokeo chanya kama kupunguza kukatika katika kwa mtandao kwa asilimia 70, kupunguza kwa kukatika katika kwa simu kwa asilimia 63 na kuongezeka kwa kasi ya kupitisha data kwa asilimia 300,” aliongeza Geyser.

“Tigo pia imewekeza sana katika upanuzi wa mtandao wake na kuongeza minara zaidi ili kuweza kufikia sehemu nyingi zaidi vijijini na kuwahudumia wateja mbali mbali katika mikoa yote 30 nchini Tanzania bara na visiwani. Kuwepo kwetu nchi nzima inaruhusu wateja wetu kuweza kufurahia huduma zetu za kupiga simu katika ubora mkubwa zaidi wa sauti, kuunganishwa kwa ufanisi zaidi katika vifurushi vyetu vya data na intanet kupitia 3G, pamoja na kupata huduma za uhakika kwenye kutuma na kupokea pesa – Tigo Pesa bila kuwa na shida ya mtandao, masuala ambayo huwafanya wateja wetu kuwa na sababu nyingi zaidi za kutabasamu,” alielezea Geyser.

Kwa upande wake, Mkuu wa Kitengo cha Mipango na Maboresho ya Mtandao Tigo Bi. Halima Idd aliongeza kwamba kampuni hiyo ya simu iliweza kufanikiwa kwa kujikita katika mkakati wao maalum wa ‘Programu ya Maboresho ya Ubora wa Mitandao’ pamoja na kuwekeza fedha na rasilimali zingine katika sehemu muhimu zenye kuweza kuleta matokeo yenye uhakika.

“Katika utafiti tuliokuwa tukifanya kwa wateja wetu, mrejesho tuliokuwa tukipata ulikuwa unahusu zaidi ubora wa mtandao wetu, tukaona ni vyema tukalivalia njuga suala hili ili kuweza kupata suluhu ya uhakika. Hii ni kwa sababu Tigo ni kampuni ambayo inawasikiliza wateja wake, na ni desturi yetu kubuni bidhaa na huduma mbali mbali ambazo wateja wetu wenyewe wamezipendekeza katika tafiti tunazozifanya mara kwa mara,” alisema Bi. Idd.

Aliendelea, “Mkakati huu maalum wa ‘Programu ya Maboresho ya Ubora wa Mitandao’ ulioanza mwaka 2012 ulijumuisha kuwekeza katika uwezo, upanuzi minara na ‘back up’ wa mtandao. Pia tulibadilisha mwenendo wa utekelezaji wa miradi yetu ya mtandao wetu na kuboresha namna ya ufanyaji kazi katika shughuli za kila siku kwenye idara yetu ya oparesheni, uhandisi na mitandao. Lakini haya yote yasingeweza fanikiwa kama tungesahau kuboresha mpangilio wa ufanyaji kazi ndani ya kampuni yetu na kuwekeza katika ushirikiano, mambo ambayo yameweza kutupa matokeo haya ambayo tunayoyafurahia sasa.”

Mwezi Septemba mwaka huu, Tigo ilianzisha msafara ujulikanayo kama ‘Tigo Smile Tour’ ambayo ulikuwa unapita nchi nzima ukisherehekea uwekezaji wake katika uboreshwaji wa mtandao, pamoja na kuzindua minara zaidi ya 280 iliyowekezwa katika mikoa yote 30 nchi nzima ndani ya mwaka huu.

Uwekezaji huu mkubwa wa Tigo pia umetoa nafasi kubwa za ajira kutokana na kuongezeka kwa matawi mapya ya Tigo yanazotoa huduma kwa wateja katika sehemu tofauti tofauti nchi nzima, pia kuongezeka kwa mawakala wa Tigo Pesa, kitu ambacho ni cha muhimu sana katika kuwajumlisha Watanzania katika maendeleo ya kiuchumi. Pamoja na haya, upatikanaji wa huduma za Tigo pia umepanuka nchi nzima kutoka na kampuni hiyo kuongeza kwa ufanisi mkubwa sehemu ambazo huduma zake zinaweza kupatikana kwa sasa tofauti na zamani.

Africa Com ni kongamano na maonyesho kubwa kuliko zote Afrika inayojumuisha makampuni ya simu na mawasiliano kila mwaka, safari hii mkutano huu ulifanyika Cape Town, Afrika Kusini  tarehe 13 na 14 Novemba.

Tuzo za mwaka huu zilitolewa katika makundi 14 tofauti zikiwemo, Suluhu katika Kuunganishwa Mitandao, Masoko kupitia mtandao wa simu, Muziki wa Kidigitali na Kutuma  na Kupokea fedha kupitia simu.

Related Product :