Mamlaka ya Puntland yawakomboa mateka

Mamlaka ya Puntland yawakomboa mateka

 

Wakuu wa jimbo la Somalia lililojitenga, Puntland, wanasema wameweza kuwakomboa mahabusu zaidi ya 20, waliotekwa na maharamia karibu miaka mitatu iliyopita.

Wanasema kuwa askari wanaolinda mwambao wa Puntland pia wameikomboa meli ya MV Iceberg One iliyosajiliwa Panama, na kwamba hawakuhitaji kutumia nguvu.
Ni jambo la nadra kwa askari wa Somalia kujaribu kukomboa meli kutoka kwa maharamia.
Meli hiyo ilitekwa na maharamia nje ya Yemen mwaka wa 2009.
Wakuu wa Puntland wanasema mahabusu walionekana waliteswa. Wengi wao ni wagonjwa, ambapo haishangazi kwa sababu wamekuwa kizuizini tangu mwezi Marchi, 2010.
Kikosi cha wanamaji wa Puntland kimeizingira meli hiyo kwa karibu majuma mawili.
Pia waliwauwa maharamia kadha waliowagundua kwenye mashua wakipeleka silaha na chakula katika meli hiyo iliyotekwa nyara.
Mashambulio ya maharamia nje ya pwani ya Somalia yamepungua katika miaka miwili iliyopita, kwa sababu meli zinazopita huko zimezidisha ulinzi, na ushirikiano baina ya mataifa yanayopiga doria katika eneo hilo.

Related Product :