Upinzani wapinga ushindi wa Rais Mahama

Upinzani wapinga ushindi wa Rais Mahama
http://4.bp.blogspot.com/-r8luD03CSdE/UMXyKYMvMMI/AAAAAAAAAoM/kz_Zk_uhao4/s72-c/CONGO2.jpg
Harakati za uchaguzi nchini Ghana 
Chama cha upinzani nchini Ghana kimepinga matokeo rasmi ya uchaguzi mkuu wa urais ambayo yalimpa ushindi rais John Mahama.
Tume ya uchaguzi ilisema kuwa bwana Mahama alishinda kwa asilimia hamsini na saba ya kura na kuondoa uwezekano wa kufanyika duru ya pili ya uchaguzi huo dhidi ya mpinzani wake Nana Akufo-Addo aliyepata asilimia 47 ya kura.
Chama cha upinzani New Patriotic Party, kimedai kutokea wizi wa kura na kusema kitafanya mkutano hapo keshi kuamua hatua watakazochukua.
Ghana imejipa sifa ya kuwa nchi yenye demokrasia thabiti barani Afrika na moja ya nchi zinazokuwa kwa kasi kubwa barani Afrika.
Kwa upande wake rais Mahama aliwataka watu kuheshimiana kufuatia matangazo ya kura ambayo yalimpa ushindi.
Hapakuwa na ripoti zozote za ghasia Jumatatu asubuhi baada ya matangazo ya uchaguzi huo uliokuwa na ushindani mkali kutangazwa siku ya Jumapili.
Furaha na nderemo zilijaa punde baada ya matangazo, huku mamia ya watu wakijitokeza kuonyesha furaha yao kwa ushindi wa rais Mahama.
Share this product :

Post a Comment

 
Support : Creating Website | Johny Template | Mas Template
Copyright © 2011. AZIZI COMPUTER DOCTOR - All Rights Reserved
Template Created by Creating Website Published by Mas Template
Proudly powered by Blogger