Mateka waliouawa Algeria waongezeka

Mateka waliouawa Algeria waongezeka

Wanajeshi wa Algeria wadhibiti uwanja wa Ndege mjini Ain Amenas

Wanajeshi wanaendelea na upekuzi katika eneo kulipotokea utekaji nyara katika kiwanda cha mafuta cha Amenas. Ndani ya kiwanda hicho zaidi ya maiti ishirini zilizoteketea kiasi cha kutoweza kutambulika zilipatikana.

Kufikia sasa idadi ya waliofariki katika kisa hicho imefikia 80.
Hata hivyo, bado haijabainika ni wangapi miongoni mwa waliopfariki walikuwa mateka.
Taarifa zaidi zinarifu kuwa Maiti za mateka kutoka Japan, Norway, Uingereza, Marekani na Malaysia bado hazijatambuliwa huku maafisa wa usalama wakisema kuwa watekaji nyara watano tayari walithibitishwa kuuawa na wapiganaji.
Takriban mateka 48 wameaminika kuuawa katika siku nne za sokomoko kwenye kiwanda cha gesi nchini Algeria.
Wanamgambo 5 inaarifiwa walikamatwa hiyo Jumapili
Maafisa wa utawala awali walisema Jumamosi kuwa watekaji nyara 32 waliuawa.
Hata hivyo makomando waliweza kumaliza vurugu hilo siku ya Jumamosi. Maafifa walisema kuwa idadi kamili ya watu waliofariki itatolewa baadaye.
Jeshi lililazimika kufanya operesheni hiyo baada ya wanamgambo hao kuanza kuwaua mateka.
Waziri mkuu wa Uingereza David Cameron na rais wa Marekani, Barack Obama, wamelaumu magaidi kwa kusababisha vifo vya mateka.

Kiongozi wa wapiganaji wa kiisilamu Algeria Mokhtar Belmokhtar

Kingozi wa wapiganaji hao, Mokhtar Belmokhtar, alisema kuwa wako tayari kufanya mazungumao na serikali ya Algeria lakini sharti wakome kushambulia wapiganaji wa kiisilamu nchini Mali.
Na Jumapili, waziri wa ulinzi wa Ufaransa Jean-Yves Le Drian, alitaja kitendo cha wanamgambo hao kama kitendo cha vita.

Related Product :