SERIKALI YA MAPINDUZI ZNZ KUENDELEZA MAPAMBANO YA UTAKASISHAJI FEDHA

SERIKALI YA MAPINDUZI ZNZ KUENDELEZA MAPAMBANO YA UTAKASISHAJI FEDHA

Jaji wa Mahakama Kuu Zanzibar Abdulhakim Ameir Issa akifungua warsha kuhusu udhibiti wa Utakasishaji wa Fedha haramu katika Hoteli ya Visitors Inn Jambiani.  Kushoto ni Kaimu Kamishna Kitengo cha Udhibiti wa Fedha haramu Tanzania Onesmo Hamis Makombe na kulia ni Msaidizi mambo ya Utawala wa kitengo hicho Jamila Lutanjuka.

Kaimu Kamishna Kitengo cha Udhibiti wa Fedha Haramu Tanzania Onesmo Hamis Makombe akimkaribisha Jaji wa Mahakama Kuu ya Zanzibar Abdulhakim Ameir Issa kufungua warsha kuhusu udhibiti wa utakasishaji wa Fedha haramu kwa wadau mbali mbali katika Hoteli ya Visitors Inn Jambiani Mkoa wa Kusini Unguja. 

Washiriki wa warsha  kuhusu udhibiti wa Utakasishaji wa Fedha haramu wakimsikiliza Jaji wa Mahakama Kuu Zanzibar Abdulhakim Ameir Issa wakati akifungua warsha hiyo inayofanyika Hoteli ya Visitors Inn Jambiani Mkoa wa Kusini Unguja.

 

Picha ya pamoja ya washiriki wa warsha kuhusu udhibiti wa Utakasishaji wa Fedha haramu inayofanyika Hoteli ya Visitors Inn Jambiani Mkoa wa Kusini Unguja.(Picha na Ramadhani Ali wa Maelezo Zanzibar).

                                        

SERIKALI itaendelea na jitihada za kuhakikisha kua mapambano dhidi ya utakasishaji wa fedha  haramu yanaendelea ili kulinusuru Taifa na madhara ya kiuchumi, kisiasa ,kiusalama na kijamii na athari za Kimataifa .

Hayo yameelezwa na Jaji Mkuu  wa  Zanzibar Omar Othman Makungu katika hotuba ya ufunguzi wa warsha ya udhibiti wa fedha haramu iliyosomwa kwa niaba yake na Jaji wa Mahakama Kuu ya Zanzibar  Abdulhakim Ameir Issa  katika Hoteli  ya Visitors  Inn  Jambiani Mkoa wa Kusini Unguja.

Amesema Serikali imetunga sheria ya udhibiti wa utakasishaji wa fedha haramu ya mwaka 2006 na sheria ya udhibiti utakasishaji wa fedha haramu  na mali athirika ya Zanzibar ya mwka 2010 fedha ambazo hupatikana kwa njia ya haramu kitendo ambacho huwa ni kosa la jinai pande zote mbili za Jamuhuri ya Muungano  wa Tanzania.

“Utakasishaji wa fedha haramu lipo kwa kua vitendo vya kihalifu vinavyowapatia pato haramu wahalifu hao kama Biashara  ya dawa za kulevya,Rushwa, ujangili, ujambazi pamoja na ukwepaji wa kodi na uharamia haya yote hupelekea kuwepo kwa fedha haramu hivyo Serikali inafanya jitihada kubwa ya kupambana na wahalifu hao”, alisema Jaji Abdulhaki Ameir Issa.

Kaimu Kamishna wa Kitengo cha Udhibiti wa utakasishaji wa fedha haramu Tanzania  Onesmo Hamis Makombe  ametoa wito kwa Taasisi za Serikali, taasisi binafsi na wananchi kwa jumla kushirikiana ili kupambana na uhalifu huo unaofanywa na watakasishaji wa Fedha haramu.

Amesema vitendo vya utakasishaji wa fedha haramu  vinaishushia hadhi nchi na kupelekea kudharauliwa na Jumuia za Kimataifa.

“Katika kupambana na vitendo hivyo kumeundwa vitengo vya kanda katika nchi mbali mbali duniani na Jumuia ya Kimataifa inatoa kila msaada kuviunga mkono vitengo hivyo”, alisema Onesmo Hamis Makombe.

Mshiriki wa warsha hiyo kutoka ofisi ya Mkurugenzi wa mashtaka Zanzibar Walid Mohd Adam amesema dhana ya udhibiti wa utakasishaji wa fedha haramu ni mpya kwa wananchi waliowengi hivyo elimu zaidi inafaa kutolewa kwa wananchi.

Amesema watu wengi hujipatia fedha kwa njia zisizo halali na hatimae hufanya mipango ya kuzisafisha ili zionekane halali na kuiweka nchi katika hali mbaya kiuchumi,  kibiashara na  kupoteza heshma machoni mwa Jumia ya Kimataifa.

Related Product :