RAIS KIKWETE ASEMA SEREKALI IMEFANYA MENGI MAKUBWA KUTIMIZA AHADI

RAIS KIKWETE ASEMA SEREKALI IMEFANYA MENGI MAKUBWA KUTIMIZA AHADI

Rais Jakaya Kikwete amekutana na mabalozi 49 kutoka katika mbalimbali duniani, ambapo alitumia fursa hiyo kuzungumza nao kuhusu maendeleo ya nchi.

Rais Kikwete alikutana na mabalozi hao katika hafla mwaka mpya iliyofanyika kwenye Viwanja vya Ikulu, Dar es Salaam na katika mazungumzo yake alisisitiza kudumisha ushirikiano wa kimaendeleo baina ya nchi hizo.

Alitumia fursa hiyo kuwaeleza mabalozi hao mambo mbalimbali yaliyofanyika nchini mwaka 2013, akigusia mkakato wa Katiba Mpya, ambapo alisema hadi Mei mwaka huu, Bunge la Katiba litakuwa limemalizika.

Alisema kumalizima kwa Bunge hilo, kutatoa fursa ya kuanza kwa shughuli ya ukusanyaji wa maoni.

Alizungumzia pia jisni Tanzania ilivyopiga hatua katika sekta ya elimu, kujenga barabara, kutoa huduma za maji na umeme na kupambana na ujagili na kudhibiti rushwa.

“Hata ugonjwa wa malaria umepungua kutoka asilimia 18 hadi asilimia 8, hata maambukizi ya Ukimwi yamekuwa chini kwa asilimia 5, lakini hatuwezi kujivunia katika hilo, tutapambana,” alisema.

Alisema vifo vya watoto pia vimepungua kwa kiwango kikubwa kutoka watoto 165 kati ya 1,000 mwaka 1990 hadi watoto 54 kati ya 1,000 mwaka 2013, na kwamba Serikali inafanya uchunguzi wa magonjwa mbalimbali ili kuokoa maisha ya wananchi wake.

Pia aligusia ujenzi wa Bomba la Gesi kutoka Mtwara hadi Dar es Salaam na kusema kuwa mpaka sasa asilimia 24 wanatumia nishati ya umeme.

“Mpaka kufikia mwaka 2015 tunataka kufikisha asilimia 30 ya watu wanaotumia umeme,” alisema. Alisema sekta zinazoguswa na mpango wa Matokeo Makubwa Sasa(BRN) zitakuwa kwa kiwango kikubwa kwa muda wa miaka mitano.

Related Product :